Aselkim

ibrir 2008

aselkim Aselkim yemmug s yiwen uferdis alemmas (CPU – UC), yiwen ugdil, yiwen unasiw akk d yiwen wamumed. Nezmer ad nernu tasaggazt, ameɣri CD/DVD, anafraḍ, tasarut Usb, takarḍa n tkatut, atg. Sdaxel uferdis alemmas, tella tkarḍa tayemmat, yella usekkar (Intel, AMD, …), tella tkatut tuddirt (RAM).

Gar iselkimen yella uselkim udmawan neɣ PC (Personal Computer). PC d aselkim yesεa neɣ yezmer ad t-yesεu yal yiwen (maci akk medden) deg uxxam-is neɣ deg uxeddim-is. Yella daɣen uselkim n ufus, d yiwen uselkim abestuḥ yezmer bab-is ad t-yawi anda yebɣa.